Дзень бібліяграфіі “Невычэрпнасць духу і чалавечнасці”
“Невычэрпнасць духу і чалавечнасці” – пад такой назвай у Іўеўскай раённай бібліятэцы прайшоў дзень бібліяграфіі, прысвечаны 95-годдзю з дня нараджэння выдатнага беларускага пісьменніка грамадскага дзеяча, удзельніка Вялікай Айчыннай вайны, народнага пісьменніка БССР Васіля Уладзіміравіча Быкава.
На мерапрыемстве прысутнічалі вучні 6 “А” класа гімназіі №1 г.Іўе. На абанеменце на працягу дня дзейнічала кніжная выстава “Стваральнік ваеннай эпапеі”.
У ходзе Дня бібліяграфіі супрацоўнікі аддзела абслугоўвання і інфармацыі правялі гутарку аб жыцці і творчасці В.Быкава, быў паказаны відэаролік.
У рамках дня бібліяграфіі была праведзена віктарына аб жыцці і творчасці Васіля Быкава. Вучні актыўна адказвалі на пытанні віктарыны па творчасці пісьменніка. Быў зроблены бібліяграфічны агляд літаратуры, прадстаўленай на кніжнай выставе. Бібліёграф пазнаёміла прысутных з падрыхтаваным да мерапрыемства рэкамендацыйным бібліяграфічным паказальнікам “Талент суровы і добры: жыццёвы і творчы шлях В.Быкава”.
Напрыканцы мерапрыемства бібліёграф правяла кансультацыю па пошуку твораў у электронным каталогу.
