1 место в интеллектуальном турнире “Брейн-ринг”. Поздравляем!!!
21 сакавіка самыя эрудзіраваныя каманды моладзі г.Іўя ва ўзросце ад 14 да 31 года сабраліся ў Іўеўскім цэнтры культуры і адпачынку на раённы турнір па брэйн-рынгу, арганізаваны сектарам культуры Іўеўскага райвыканкама. Удзел у брэйн-рынгу прынялі каманды “Культурыст” (сектар культуры Іўеўскага райвыканкама), “Сіндыкат” (зборная каманда Іўя) і “Субота – 13-га” (гімназія №1 г.Іўя). У склад каманды гімназіі ўваходзілі вучні адзінаццатых класаў.
Гульня атрымалася вельмі напружанай. Спачатку гімназісты выйгралі ў каманды “Сіндыкат” з лікам 5:3, а ў другім туры – у каманды “Культурыст” з лікам 5:1. У выніку каманда “Субота – 13-га” заняла першае месца. Яе ўдзельнікі – Муліца Канстанцін, Калевіч Міхаіл, Лятко Аляксандр, Жыдзель Ксенія, Мухарская Ксенія, Нехвядовіч Лізавета – атрымалі граматы і прызы.
Станоўчыя вынікі ўдзелу вучняў у мерапрыемствах інтэлектуальнага накірунку спрыяюць павышэнню прэстыжу гімназіі №1 г.Іўя. Неаднаразова каманды ўстановы адукацыі адзначаліся ў раённых турнірах па брэйн-рынгу, але ўпершыню атрымалі дыплом І ступені і доўгачаную саву – сімвал мудрасці і ведаў.
